ហ្មុកខ្ទិះអាំង

គ្រឿងផ្សំ

• សាច់ត្រីរ៉ស់យកស្បែកចេញ ៣០០ ក្រាម
• ដូងទុំកោស ២៥០ ក្រាម និង ស្លឹកចាព្លូហែកជាចំរៀកៗ ១០ សន្លឹក
• ជីរវ៉ាន់ស៊ុយកាត់ខ្លីៗ ២ ដើម និង ស្លឹកក្រូចសើចហាន់ស្តើងៗ ១ ស្លាបព្រាបាយ
• ស្ករស ១​ ស្លាបព្រាកាហ្វេ និង ទឹកត្រី ២ ស្លាបព្រាបាយ

ស្លឹកចេកសំរាប់ខ្ចប់ ឫ ក្រដាសអាលុយមីញ៉ូម និងឈើខ្ទាស់

គ្រឿងហ្មុក និង របៀបធ្វើ

• ម្ទេសក្រៀមយកគ្រាប់ចេញ ១០ គ្រាប់
• មើមខ្ទឹមក្រហមហាន់ស្តើងៗ ៥ មើម
• ខ្ទឹម ស ១០ កំពិស និង រំដេង ៣ ចំណិត
• គល់ស្លឹកគ្រៃហាន់ ឫសជីរវ៉ាន់ស៊ុយ មួយមុខៗ ១ ស្លាបព្រាបាយ
• ម្រេច ៥ គ្រាប់ និង អំបិលម៉ដ្ឋ ១/២​ ស្លាបព្រាបាយ

បុកគ្រឿងទាំងអស់ចូលគ្នាឲ្យម៉ដ្ឋ

1. ពូតយកក្បាលខ្ទិះ ១​ចាន រួចលាងត្រីឲ្យស្អាតកាត់ជាកងកម្រាស់ ១/២ស.ម
2. យកត្រីមកដាក់ចូល ច្របល់សព្វចូលជាតិនឹងគ្រឿងហ្មុក និង ក្បាលខ្ទិះ រួចសឹមដាក់ ស្លឹកក្រូចសើច ជាក្រោយដោយបន្ថែមស្ករ និង ទឹកត្រី។
3. រៀបស្លឹកចេក ឫក្រដាស់អាលុយមីញ៉ូម ដោយដាក់ស្លឹកចាព្លូ រូចដួសត្រីដែលបានលាយ គ្រឿងសព្វខាងលើដាក់ចូលខ្ចប់ឲ្យជិត ខ្ទាស់កន្លះឲ្យជាប់
4. ទើបយកទៅអាំងរហូតដល់ត្រីឆ្អិនប្រហែល ១០ នាទី ដោយប្រើកំដៅភ្លើង ល្មមៗបានហើយ ពេលទទួលទាន ទើបរោយជីរវ៉ាន់ស៊ុយពីលើជា ការស្រេច។