- សាច់គោល្អ សាច់ស្រួយ មួយមុខៗ ១០០ ក្រាម
- ថ្លើម ក្រពះកន្សែង បេះដូង មួយមុខ ១០០ ក្រាម
- ពងមាន់ ១ ពង និង មីសួ ១ ចាន
- ស្ពៃក្តោប ១ ចំហៀង និង ត្រកួនចិន ១០ ត្រួយ
- ជីរនាងវង ២ មែក រំដេងលីង ៥ ចំណិត
- គល់ស្លឹកគ្រៃហាន់ស្តើងៗ លីង ១ គល់
- ស្លឹកក្រូចសើចហាលស្ងួត ៥សន្លឹក អង្ករលីង(បុកឲ្យល្អិត) ១ ស្លាបព្រាបាយ
- ទឹកត្រី ២ ស្លាបព្រាបាយ និង ទឹកស៊ុប ៤ ចាន
របៀបធ្វើ
- លាងសាច់ ថ្លើម សាច់ស្រួយ បេះដូង និង ក្រពះកន្សែងទាំងអស់ឲ្យស្អាត ហើយហាន់ជាបន្ទះ ស្តើងៗល្មមមាត់ រៀបដាក់ចាន គោះពងមាន់មួយ ថែមពីលើទៀត។
- ត្រាំមីសួឲ្យឡើងទន់ រួចកាត់ខ្លីៗ រៀបដាក់ចានមួយទៀត។
- លាងបន្លែទាំងអស់ឲ្យស្អាត កាត់ឲ្យល្មមមាត់រៀបដាក់ចានមួយទៀត។
- ដាក់ទឹកស៊ុបក្នុងឆ្នាំងដាំឲ្យពុះ បង់អង្ករលីង ទឹកត្រី។
- បុករំដេង គល់ស្លឹកគ្រៃ ស្លឹកក្រូចសើច និង ជីរនាងវងបង់ក្នុងទឹកស៊ុប។
- ទទួលទានដោយស្រុសបន្លែ និង សាច់ មីសួ ហើយនឹងគ្រឿងក្នុងតាម តម្រូវការ ក្នុងទឹកស៊ុបដែលកំពុងពុះ ដួសដាក់ចានទទួលទានជាមួយទឹក ជ្រលក់។
គ្រឿងផ្សំទឹកជ្រលក់
- ម្ទេសបុក និងអង្ករលីងបុក មួយមុខៗ ១ ស្លាបព្រាកាហ្វេ
- ទឹកត្រី ទឹកក្រូចឆ្មារ មួយមុខៗ ២ ស្លាបព្រាបាយ
លាយគ្រឿងទាំងអស់ចូលគ្នាជាការស្រេច។
No comments:
Post a Comment