សម្លម្ជូរជ្រក់ទំពាំង និង ត្រីអណ្តែង

គ្រឿងផ្សំ

• ត្រីអណ្តែងកាត់កង់ៗ ៣០០ ក្រាម
• ទំពាំងជូរ (ពូតទឹកចេញ) ១ ចានចង្កឹះ
• គល់ស្លឹកគ្រៃកាត់ជាកង់ៗ ឫដំឲ្យបែក ២ គល់
• ស្លឹកជីរនាងវង ១/២ ចានចង្កឹះ និង ស្លឹកក្រូចសើច ៣ សន្លឹក
• ទឹកត្រី ២ ស្លាបព្រាលបាយ និង ទឹក ៣ ចានចង្កឹះ

គ្រឿងសម្ល

• ម្ទេសខ្មាំងក្រៀម ឫទុំ ៥ គ្រាប់
• ខ្ទឹមក្រហមហាន់ ៣ មើម
• គល់ស្លឹកគ្រៃហាន់ ១ គល់
• អំបិលម៉ដ្ឋ ១/២ ស្លាបព្រាកាហ្វេ

បុកគ្រឿងសម្លទាំងអស់ចូលគ្នាជាការស្រេច។

របៀបធ្វើ

   ​​​​​ ដាក់ទឹកដាំឲ្យពុះ ដាក់គ្រឿងសម្លចូល ដាំមួយសន្ទុះទៀត ដាក់គល់ ស្លឹកគ្រៃ ដាក់ស្លឹកក្រូចសើច ដាំឲ្យពុះឡើងឈ្ងុយ ទើបដាក់ត្រីអណ្តែង ទំពាំងជ្រក់ ចូលទុកឲ្យពុះម្តងទៀត រួចបន្ថយភ្លើង ហើយបន្ថែមទឹកត្រីបន្តិច រួចភ្លក់មើលឲ្យល្មម ហើយបង់ស្លឹកជីរនាងវងចូលជាការស្រេច។