កន្សោមពងឆាហឹរ

គ្រឿងផ្សំ

• កោះ ថ្លើមមាន់ ១០០ ក្រាម និង ត្រប់លឿង ៥ ផ្លែ
• កន្សោមពងទម្ងន់ ២០០ ក្រាម និង ម្រេចខ្ចី ជីរនាងវងមួយមុខៗ ១/២ ចាន
• ខ្ជាយហាន់សរសៃបណ្តោយៗឆ្មារ និង ទឹក មួយមុខៗ ១/៤ ចាន
• ស្ករផែន ទឹកត្រី ១ ស្លាបព្រាបាយ និង ប្រេងឆា ៣ ស្លាបព្រាបាយ

គ្រឿងស្ល

• ម្ទេសខ្មាំងក្រៀម និង ម្រេចគ្រាប់ មួយមុខៗ ៧ គ្រាប់
• មើមខ្ទឹម ២ មើម និង រំដេងចំណិត ២ ចំណិត
• គល់ស្លឹកគ្រៃ១/២ ស្លាបព្រាបាយ និង ឫសជីរវ៉ាន់ស៊ុយ ២ ដើម
• សំបកក្រូចសើចហាន់ឲ្យល្អិត ១/៤ ស្លាបព្រាបាយ
• ម្ទេសដៃនាងក្រៀម ៣ គ្រាប់ និង គ្រាប់ជីរវ៉ាន់ស៊ុយលីង ១/២ ស្លាបព្រាកាហ្វេ
• ផ្លែដីផ្លីលីង និង អំបិលម៉ដ្ឋ មួយមុខៗ ១/៤ ស្លាបព្រាកាហ្វេ

បុកគ្រឿងទាំងអស់ចូលគ្នាឲ្យម៉ដ្ឋ

របៀបធ្វើ

1. លាងកន្សោ​មពង កោះ ថ្លើមឲ្យស្អាត រួចហាន់កោះ ថ្លើមជាដុំតូចៗល្មម។
2. លាងត្រប់ឲ្យស្អាត រួចពុះជាបួន រួចដាក់ប្រេងចូលខ្ទះ ដាំលើភ្លើងឲ្យក្តៅ សឹមដាក់គ្រឿងបុកហើយចូល ឆាឲ្យឈ្ងុយចាំដាក់កន្សោមពង កោះ ថ្លើម ចូលឆាត្រឡប់ចុះឡើងឲ្យឆ្អិន ដាក់ទឹកបន្តិច ទុកឲ្យពុះមួយសន្ទុះសិន។
3. ថែមគ្រឿងដោយស្ករ ទឹកត្រី ត្រប់ ម្រេចខ្ចី ខ្ជាយ ឆាឲ្យសព្វល្មមដល់ឆ្អិន ភ្លក់មើលរួចបង់ជីរជាខាងក្រោយ។

សំគាល់ៈ កន្សោមពង គឺយកពងដែលនៅក្នុងខ្លួនមាន់តែម្តង។