សម្លខ្ទិះខ្ចៅ

គ្រឿងផ្សំ

• ខ្ចៅ ១,៥ ពែង និង ដូង (កោស) ២០០ ក្រាម
• ស្លឹកក្រូច (ហាន់ឆ្មារៗ) ៥ សន្លឹក

គ្រឿងស្ល

• រមៀត​១ ថ្នាំងដៃ និង គល់ស្លឹកគ្រៃហាន់ល្អិតៗ ២ គល់
• ម្ទេសខ្មាំងស្រស់ (តាមចំណូលចិត្ត) ៤០ គ្រាប់
• ខ្ទឹមក្រហម​ ២ មើម និង ខ្ទឹម ស ១ មើម
• ម្រេចគ្រាប់ ១ ស្លាបព្រាកាហ្វេ និង ស្ករត្នោត ១ ស្លាបព្រាកាហ្វេ
• អំបិលម៉ដ្ឋ ១ ស្លាបព្រាកាហ្វេ និង កាពិ ១ ស្លាបព្រាបាយ

បុកគ្រឿងស្លចូលគ្នាឲ្យល្អិត

វិធីធ្វើ

1. លាងខ្ចៅឲ្យស្អាត ហើយត្រាំទឹកចោលអោយវាខ្ជាក់ដី។ បន្ទាប់មកកាប់គូទវាចេញ ហើយ ដាក់សម្រស់លើកញ្រ្ចែងអោយស្រោះទឹក។
2. ពូតដូងអោយបានខ្ទិះមួយពែង។
3. យកខ្ចិះដូងដាក់ដាំលើភ្លើង ពេលពុះហើយដាក់គ្រឿងស្លចូលមួយស្របក់ សឹមដាក់ខ្ចៅ ចូលតាមក្រោយ។ ពេលខ្ចៅឆ្អិនហើយ សឹមដាក់ស្លឹកក្រូចចូល បិទភ្លើងហើយបរិភោគ ជាមួយបន្លែស្រស់ធ្វើជាអន្លក់។

សំគាល់ៈ កុំរម្ងាស់រហូតដល់ខ្ចិះឡើងប្រេង។ មិនគួរអោយខ្ចៅឆ្អិនពេកទេ ព្រោះពិបាក ជញ្ជក់បឹតសាច់វា ហើយសាច់វារឹងមិនឆ្ងាញ់ទៀតផង។