ភ្លាត្រីអណ្តែង

គ្រឿងផ្សំ

• ត្រីអណ្តែង ១ ក្បាល​ ទម្ងង់ ៣០០ ក្រាម
• ដើមខ្ទឹមហាន់ទទឹងស្តើងៗ ២​ ដើម
• ខ្ទឹមក្រហមហាន់ទទឹងស្តើងៗ ១​ ស្លាបព្រាបាយ
• រំដេងហាន់ល្អិត ១ ស្លាបព្រាកាហ្វេ
• ស្លឹកជីអង្កាម ១/២ ចានចង្កឹះ
• ស្លឹកក្រូចសើចហាន់ឲ្យល្អិត ២ ស្លាបព្រាកាហ្វេ
• អង្ករលីង (បុកឲ្យល្អិត) ២​ ស្លាបព្រាបាយ
• ម្ទេសម៉ដ្ឋ ១ ស្លាបព្រាកាហ្វេ
• ទឹកត្រី ២ ស្លាបព្រាបាយ និង ទឹកក្រូចឆ្មារ ២-៣ ស្លាបព្រាបាយ

របៀបធ្វើ

1. កោសរំអិលត្រី រួចវះពោះលាងឲ្យស្អាត យកទៅអាំងឲ្យឆ្អិនល្មម ហើយបេះយកឆ្អឹង ចេញរួចចិញ្រ្ចាំតិចៗ។
2. ប្រឡាក់សាច់ត្រីដែលធ្វើរួចនេះជាមួយអង្ករលីង ម្ទេសម៉ដ្ឋ រំដេង ដើមខ្ទឹម ស្លឹកខ្ទឹម និង ស្លឹកក្រូចសើច។
3. ថែមទឹកត្រី ទឹកក្រូចឆ្មារ ហើយរោយស្លឹកជីអង្កាម ភ្លក់ឲ្យល្មមតាមត្រូវការ ទទួលទាន ជាមួយនឹងអន្លក់ខ្ចី ដូចជាស្ពៃក្តោប សណ្តែកកួរ និង ស្លឹកជីនាងវង។