សម្លមាន់ដាក់ល្ពៅ

គ្រឿងផ្សំ

• សាច់មាន់ស្រុកកាប់ដុំៗ ៥០០​ ក្រាម
• ល្ពៅកាត់ដុំតូចៗ ៣០០ ក្រាម និង ស្លឹកជីរនាងវងបេះ ២ មែក
• គល់ស្លឹកគ្រៃកាត់ជាកង់ៗដំឲ្យបែក ១ គល់
• ស្លឹកក្រូចសើច ៣ សន្លឹក និង ទឹកត្រី ២-៣ ស្លាបព្រាបាយ
• ទឹកប្រហុក ២-៣ ស្លាបព្រាបាយ និង ទឹក ២-៣ ចានចង្កឹះ

គ្រឿងសម្ល

• ម្ទេសខ្មាំងក្រៀម ឫទុំក៏បាន ៧-៨ គ្រាប់
• មើមខ្ទឹមក្រហមហាន់ ៤ មើម
• គល់ស្លឹកគ្រៃហាន់ឲ្យល្អិត ២ គល់
• ស្លឹកក្រូចសើចហាន់ឆ្មារៗ ៤ សន្លឹក​ និង អំបិលម៉ដ្ឋ ១/២ ស្លាបព្រាកាហ្វេ

បុកគ្រឿងទាំងអស់ចូលគ្នាឲ្យម៉ដ្ឋ

របៀបធ្វើ

1. ដាក់ខ្ទះដាំឲ្យក្តៅ ដាក់សាច់មាន់ចូលកូរវាឲ្យស្ងួតទឹក ហើយដាក់គ្រឿងសម្ល ចូលកូរវាឲ្យចូលជាតិជាមួយនឹងសាច់មាន់ ទើបដាក់ទឹកត្រីចូលពាក់កណ្តាល កូរវាឲ្យ ឡើងឈ្ងុយ ទើបបន្ថែមទឹកឲ្យពុះសឹមបង់គល់ស្លឹកគ្រៃ ស្លឹកក្រូចសើច បន្លែល្ពៅទុក។
2. ដល់ឆ្អិនហើយ បន្ថយភ្លើងឲ្យពុះតិចៗ ដោយបន្ថែមគ្រឿង ទឹកត្រី ទឹកប្រហុក ទុកឲ្យពុះម្តងទៀត ទើបភ្លក់មើលឲ្យល្មម រូចបង់ស្លឹកជីរនាងវង ចូលជាការស្រេច។