សម្លត្រឡាច និង សាច់មាន់

គ្រឿងផ្សំ

• មាន់ស្រុក ៥០០ ក្រាម និង ត្រឡាចកាត់ដុំតូចៗ ៣០០ ក្រាម
• ដើមខ្ទឹមកាត់កង់ៗ ២ ដើម និង ស្លឹកជីរនាងវង ១ ចានចង្កឹះ
• ស្លឹកក្រូចសើច ៣ សន្លឹក និង ទឹកត្រី  ១ ស្លាបព្រាបាយ
• ទឹកប្រហុក ២ ស្លាបព្រាបាយ និង ទឹក ៣ ចានចង្កឹះ

គ្រឿងសម្ល

• ម្ទេសខ្មាំងក្រៀម ឬ ទុំ ៥ គ្រាប់ និង ខ្ទឹមក្រហមហាន់ ៣ មើម
• គល់ស្លឹកគ្រៃហាន់ស្តើងៗ ២ គល់
• ស្លឹកក្រូចសើចហាន់ឆ្មារៗ ៣ សន្លឹក
• អំបិលម៉ដ្ឋ ១/២ ស្លាបព្រាកាហ្វេ

បុកគ្រឿងសម្លទាំងអស់ចូលគ្នាឲ្យម៉ដ្ឋ

របៀបធ្វើ

1. លាងមាន់ឲ្យស្អាត រួចកាត់ដុំតូចៗល្មម ។ 
2. ដាំខ្ទះឲ្យក្តៅខ្លាំង ដាក់សាច់មាន់ចូលឆាឲ្យស្ងួតទឹក រួចដាក់គ្រឿងសម្លចូល កូរវារហូតដល់ឡើងក្លិនឈ្ងុយ ទើបដាក់ទឹកត្រីពាក់កណ្តាលកូរឲ្យសព្វ សឹមដាក់ទឹកទុកឲ្យពុះទើបបង់ស្លឹកក្រូច ទឹកប្រហុក ទឹកត្រីដែលសល់ និង ត្រឡាចទុកឲ្យពុះម្តងទៀត ភ្លក់រសជាតិសាប ប្រៃ ល្មមមាត់ហើយទើបបង់ ជីរ និង ដើមខ្ទឹមចូលតាមក្រោយគេ រួចទទួលទានជាការស្រេច។